amalinks wokungena

Breaking News

Inhloko ZeNdaba Mfumfu 13, 2021


Ngokutshona kosuku lwayizolo, eleZimbabwe beselenelise ukuhlaba abantu abedlula izigidi ezintathu-3,183,314, ijekiseni yokuzivikela kuCovid 19, kodwa abayizigidi phose ezimbili lengxenye babo- 2,428,540 yibo asebehlatshiwe amajekiseni wonke womabili.

Kunje inani lasebehlolwe batholakala bele COVID-19, eZimbabwe, lokhu lolubhubhane lwaqhamukayo nyakenye, selikunkulungwane ezedlula ezilikhulu-132,016 okugoqela abantu asebegule basila kulumkhuhlane kunkulungwane ezedlula ikhulu-125,693 kwafa inkulungwane ezedlula ezine lengxenye- 4,645.

Abacubungula ezombusazwe bathi kuzakuba nzima ukususa ibandla leZanu PF embusweni njengoba kuyilo eliphethe ezokhetho, ibutho, amapholisa lezinye inhlangothi zikahulumende ezilakho ukuvimba ukuba kungene ibandla eliphikisayo embusweni.

Ukungahlaliseki kwesimo semali uma kuqhathaniswa idola leMelika kanye lama bond notes sekutshiye abaphila ngokuthengisa imphahla phandle kwelizwe behlaba umkhosi. Uhulumende uthatha ingxenye yenzuzo kulabo abathengisa phandle kwelizwe ngemali yaphandle kwelizwe, kodwa bona baphiwe imali yama bond notes.

Namuhla kuhlelo lwethu lapho esixoxa khona lezizalwane zeZimbabwe ezihlala emazweni silengxoxo lomgcinisihlalo webandla leMthwakazi Republic Party esigabeni se North America.

Abalandeli bomdlalo wenguqu bathi iqembu lesizwe lizaqhubekela phambili liqhuba gadalala nxa kungela nhlelo ezithuthukisa umdlalo kuzinga labasacathulayo. Iqembu le Zimbabwe liphelelwe ngumphako kumkhankaso walo owokudinga amaqembu azakuyadlala kumncintiswano wezizwe zomhlaba ngemva kokuthola umklomelo owodwa kuphela emidlalweni emine.

Ku Livetalk namhlanje kuhlelo “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG