Endabeni zethu lamhlanje……………
*** Umpathintambo wezemali eZimbabwe umnumzana Mthuli Ncube uthi ilizwe kalisoze labuyela ekusebenziseni idollar leMelika ngoba liqine kakhulu liyabulala umnotho welizwe. Lokhu ukutsho ese Washington DC, eMelika elande imihlangano yenhlanganiso eziphathisa amazwe womhlaba ngemali eze IMF leWorld Bank.
*** Odokotela bahlangene esibhedlela seParirenyatwa bavumelana ukuqhubeka bekhalala umsebenzi lanxa umthethwandaba weLabor Court uthe kumele babuyele emsebenzini.
*** Inengi labantu lithi labo abaphuma emazweni alembali yobuqili bokhetho, akumelanga babeyingxenye yabazakhangela ukuqhutshwa kokhetho kweleBotswana, ngeviki ezayo abanjengabeZimbabwe.
*** Kwezemidlalo………..Iqembu le Highlanders liqhubekela phambili likhuphuka engalaneni yemiklomelo njalo umqeqetshi walo uHendrik Pieter De Jongh uthi lokhu kungenxa eyokuba leliqembu seliqale ukulandela okwenziwa ngamaqembu aphetsheya.
*** KuLiveTalk namuhla sizanika abalaleli ithuba lokutsho imibono ngokwenzakala elizweni lobunzima abantu ababhekane labo. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.