Sebezinkulungwane ezedlula kancane ezithobaminwe mibili-8,036, asebefunyenwe beleCovid 19, eZimbabwe, kwasila inkulungwane phose eziyisitshiyagalombili,7,632, kwafa abangamakhulu edlula kancane amabili-230.
Inhlanganiso ebona ngokulondolozwa kwelungelo labathengi eyeConsumer Council of Zimbabwe – CCZ, ithi imali engaphilisa imuli yabantu abayisithupha isikhuphuke yedlula inkulungwane ezingamatshumi amabili zamadollar eZimbabwe- ZW$20 985.01. lokhu kubikwa kubangelwa yikuqonga kwendleko ezingasizo ezokudla kodwa ezinjengomthelo kagetsi, imfundo lokunye.
Inhlanganiso ezilwela amalungelo oluntu kweleSouth Africa zithi zingacina zisiyamangalela uhulumende weGauteng emthethwandaba nxa engaphumelela ukwethula umthetho ofuna ukwenqabela abakwamanye amazwe ukuthi basungule amabhizimusi amancene emalokitshini.
Kulemidlalo kakhilikithi emine namhla kumncintiswano we National Premier League edlalelwa enkundleni ezitshiyeneyo zakwele Zimbabwe.
Ku Livetalk namhlanje kuhlelo “Diaspora Forum” siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.