Endabeni zethu lamhlanje……………
*** Kuqhutshwa umhlangano wokuthapha imibono kazulu phezu komthetho ozalawula ukusebenza kwentathelizindaba owe Zimbabwe Media Commission Bill eHarare.
*** Unobhala wenhlanganiso yamazwe angenzansi kwezwekazi le Africa, eyeSADC, udokotela Stargomena Lawrence Tax uthi amazwe kumele aphume ngobunengi ngoLwesihlanu oluzayo, etshengise usekelo kumizamo yokubamba ngamandla amazwe angentshonalanga ukuthi ayesule izijeziso zimnotho ezetheswa iZimbabwe mhla ka25 Mfumfu.
*** KuWoza Friday sileqembu elicula ingoma zomdumo wokholo elibizwa ngegama lokuthi, ‘The Mastered’, elikhokhelwa nguJoseph Jele.
*** Kwezemidlalo………..Uhlelo lokuhlela ukuba amaqembu enguqu adlala esigabeni sePremier Soccer League azadlala njani esibangeni se quarter – final kumncintiswano wenkezo ye Chibuku Super Cup luqhutshwe namhla esigodlweni iHarare.
*** KuLiveTalk namuhla sikhangela ubunzima abantu ababhekane labo kubangelwa yikonakala komumo womnotho lokuqonga kwentengo. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.