Phakathi kwabantu abangamatshumi phose amane-37, abatholakale beleCovid 19, eZimbabwe, kwabahlolwe izolo, abangamatshumi amabili babo ngabakoBulawayo. Sebezinkulungwane ezedlula ezithobaminwe mibili-8,147 asebetholakale belegcikwane leli.
Ingxabangxoza iyaqhubeka kwezinye izikolo ngesikhathi inengi lababalisi likhalele umsebenzi lezinye izifundi zingaziphathanga ngemfanelo.
Abaswelayo emadolobheni abahlala emizini ehlala abanengi egoqela eHopely, Epworth, Old Pumula, Mzilikazi leminye, inengi labo kungabesifazane abafika isilinganiso esingamatshumi ayisikhombisa ekhulwini, sebesizakala ngohlelo lokulima amakhowa oluqondiswa ngabenhlanganiso yomanyano wamazwe womhlaba olwe World Food Program Resilience Projects.
Iqembu labesilisa elimela ilizwe emdlalweni kakhilikithi liphakame namhlanje lilubhekise kwele Pakistan ukuyadlala imidlalo eyohlobo lwe One Day kanye leyohlobo lwe Twenty20.
Ku Livetalk namhlanje siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.