amalinks wokungena

Breaking News

Inhloko ZeNdaba Mfumfu 20, 2020


Umuntu oyedwa wakoBulawayo obulewe yiCovid 19, izolo, ukhuphule inani lasebebulwe yileli gcikwane laya kumakhulu edlula amabili-232. Sebezinkulungwane ezedlula ezithobaminwe mibili-8,159, asebetholakale beleCovid 19, eZimbabwe, kwasila inkulungwane phose eziyisitshiyagalombili,7,683.

Ingcwethi zezempilakahle zithi abahlala emaphandleni balo lwazi oluthile ngokuvimba ukumemetheka kweCOVID-19, kodwa isimo somnotho eZimbabwe siyenza kube nzima ukuthi balandele iziqondiso ezabekwa nguhulumende labenhlanganiso yeWorld Health Organization, ezijonge ukuvikela ukumemetheka kwegcikwane leli.

Izakhamizi zedolobho lakoBulawayo seziveze ukukhathazeka kulandela ukwehluleka kukamanisipala wedolobho leli osesehluleka ukubutha izibi ngesikhathi igcikwane leCovid 19 seliqala njalo ukuqansa.

UNduna Nhlanhlayamangwe Ndiweni, ophikisana lokususwa esikhundleni nguhulumende emthethwandaba weHigh Court, uthi kasoze athule abantu beZimbabwe bebhekane lenhlupho ezinengi, ezigoqela ukwephulwa kwamalungelo abo, ukugugudeka komnotho, ezombusazwe lokunye.

Abamabhizimusi lenhlanganiso zezakhamizi sebekhuthaze uhulumende ukuthi aqakathekise inhlelo zikazulu ezifana lezempilakahle, ezezisebenzi Kanye lezamabhizimusi kuluhlu lwakhe lokusetshenziswa kwemali yomnyaka ozayo, ibudget ka2021.

Ku Livetalk namhlanje kuhlelo “The Connection” siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG