Umuntu oyedwa waseFilabusi, eMatebeleland South, obulewe yiCovid 19, izolo, ukhuphule inani lasebebulwe yileli gcikwane laya kumakhulu edlula amabili-233. Sebezinkulungwane ezedlula ezithobaminwe mibili-8,187, asebetholakale beleCovid 19, eZimbabwe, kwasila inkulungwane phose eziyisitshiyagalombili,7,692.
Abaphla ngokuthengisa koByo sebeqale ukuthola imali yokubaphathisa eyayithenjiswe nguhulumende. Kodwa bathi imali le isigugudeke kakhulu njalo ayiseneli ukubasiza.
Ingcitshi zezombusazwe zithi nxa iSouth Africa ingavuma isicelo seZimbabwe sokubuyiselwa ekhaya kwabathile ababengabaphathintambo okuthiwa badala amacala ngesikhathi beyiziphathamandla zikahulumende, lokhu kuzadala impi enkulu emthethwandaba phakathi kwabafunekayo laba lohulumende weZimbabwe.
Inhlanganiso yomanyano wamazwe angezansi kwezwekazi leafrica, eye SADC, ithi kuqakathekile ukuthi abokuza abasemazweni atshiyeneyo, bengatshiywa ngaphandle kunhlelo zempilakahle ezijonge ukulwisana lomkhuhlane weCOVID-19.
Imidlalo kakhilikithi kumncintiswano we National Premier League ingena kusuku lwesithupha namhlanje njalo kulemidlalo emine edlalelwa enkundleni ezitshiyeneyo zakwele Zimbabwe.
Induna Nhlanhlayamangwe Ndiweni, uthi bazasuswa abantu abanikwa umhlabathi nguhulumende duzane leNtabazinduna, elamathambo ezinduna ezabulawa kulandela okwenziwa ngabanye abantu ababefuna ukugcoba eyinye inkosi uMzilikazi engasabonakali.
Ku Livetalk namhlanje kuhlelo “Diaspora Forum” siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.