amalinks wokungena

Breaking News

Inhloko ZeNdaba Mfumfu 23, 2020


Abogatsha lwezempilakahle babika ukuba akula muntu obulewe yiCovid 19 izolo, eZimbabwe, ngakhoke lokhu bengamakhulu edlula amabilin asebekhulelwe yileli gcikwane-236. Sebezinkulungwane ezedlula ezithobaminwe mibili-8,242, asebetholakale belalo elizweni.

UMongameli weMelika uMnu Donald Trump kanye lancintisana laye uMnu Joe Biden baqhube ingxoxompikiswano yabo yokucina izolo, phambilini kokhetho lapho abatshukane khona endabeni ezigoqela umkhuhlane weCovid-19, ukuvikeleka kwenhlelo zokhetho ezitheni zeMelika, ezempilakahle, ezomkhathi kanye lodaba lokubandlululwa kwabensundu.

Uhulumende uvule ngokusemthethweni umkambo wokuthengiselana oweVictoria Falls Stock Exchange namuhla, lapho umphathintambo obona ngenhlelo zemali uMnu. Mthuli Ncube agcizelele ukuthi inyathelo leli lizathuthukisa umnotho welizwe.

UNduna Nhlanhlayamangwe Ndiweni, usemanyane labasungule uhlelo lokukhanga abadabuka eZimbabwe abahlala kwamanye amazwe lokukhuthaza ukuba bavote kukhetho oluzakwenziwa ngomnyaka ka2023.

Kuliviki kuhlelo Woza Friday silomculi wakoBulawayo osakhulayo uAgenda Jonathan Maphosa owazakala ngegama lokuthi nguAgenda emsebenzini wakhe. Lumculi ugxile kumdumo oweJazz Fusion.

Ku Livetalk namhlanje siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG