amalinks wokungena

Breaking News

Inhloko ZeNdaba Mfumfu 25, 2021


EZimbabwe inani lasebehlolwe batholakala bele COVID-19, lokhu lolubhubhane lwaqhamukayo ngoMbimbitho nyakenye, selikunkulungwane ezedlula ezilikhulu-132,651 okugoqela abantu asebephephe kulumkhuhlane sebezinkulungwane ezedlula ikhulu-127,298, kwafa inkulungwane ezedlula ezine lengxenye- 4,669.

Kunje abantu asebenelise ukuhlatshwa ijekiseni yokuzivikela kuCovid 19, bayedlula izigidi ezintathu-3,268,655, kodwa abayizigidi phose ezimbili lengxenye babo- 2,539,524, yibo asebehlatshiwe amajekiseni wonke womabili.

Abenhlanganiso ye Broad Alliance Against Sanctions namhlanje batshengisele bekhonona ngezijeziso zomnotho abathi zabekelwa eleZimbabwe njalo yizo ezenza ukuba ilizwe libe lendubo elibhekane lazo kwezomnotho.

Umphathintambo wesabelo sakoBulawayo uthi imigoqo eyafakelwa eleZimbabwe yabangela ukufa kwamakampani akoBulawayo njalo sekusenza abaqeda izifundo behluleke ukuthola umsebenzi ethi imigoqo le kufanele isuswe.

UMnu. Sybeth Musengezi uthi kulabantu abamethuselayo labanye abathi bazambulala kulandela ukuphanyeka kwakhe emthethwandaba udaba lokuthi kumele uMongameli Emmerson Mnangagwa asuswe esikhundleni sikanobhala jikelele webandla leZanu PF.

KuLivetalk namuhla sixoxa ngosuku lokukhankasela ukuba kwesulwe izijeziso zenotho ezafakelwa inkokheli yebandla leZanu PF lemizamo yokususa uMongameli Emmerson Mnangagwa esikhundleni esiphezulu sebandla elibusayo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG