IBulawayo isilamaviki athile ilokhu isengeza inani labantu asebulewe yiCovid 19 eZimbabwe, eselikhumakhulu edlula amabili-237. Sebezinkulungwane ezedlula ezithobaminwe mibili-8,276, asebetholakale belegcikwane leli elizweni.
Abafundi ababhala imihloliso ngomnyaka ozayo oform 5, oform 3 labo grade 6 baqale izifundo lamuhla kuhlandla lesibili lokuvulwa kwezikolo kodwa izikolo ezinengi azila babalisi ngoba lokhe beqhubeka bekhalala umsebenzi.
Amalunga awebandla eliphikisayo ele Movement for Democratic Change Alliance, atshengisele ehofisini yommeli weZimbabwe eGaborone lamuhla, lapho okukade kunanzwa ilanga elabekwa ngumanyano wamazwe angezansi kwezwekzi leAfrica lokukhuthaza ukwesulwa kwezijeziso zenotho, eleSADC Anti-Santions Day.
Inhlanganiso yezisebenzi eye Zimbabwe Congress of Trade Unions - ZCTU ithi ukuvikeleka kwezisebenzi kwezempilakahle elizweni lokhu kungakafiki kubanga elidingakalayo, kubangelwa yikonokala komumo womnotho oselizweni okwamanje.
Isikhulumeli senhlanganiso yeZifa uXolosani Gwesela uthi ukuqala kwemidlalo ye Premier Soccer League kuzaphathisa kakhulu kumalungiselelo eqembu lama Warriors awokuya phatheka kumncintiswano we Chan..
Ku Livetalk namhlanje siqhubekela phambili sikhangela umonakalo osudalwe yiCovid 19 eZimbabwe lasemhlabeni jikelele kanye lokunanzwa kosuku olweAnti-Sanctions Day.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.