Lanxa inani labantu asebetholakala beleCovid 19, lababulawe yiyo, selisehla eZimbabwe, leli nani libonakale liqonga okwethusayo edolobheni lakoBulawayo phakathi kwamaviki amabili edluleyo, selikumatshumi edlula amahlanu-52 phakathi kwabangamakhulu edlula amabili-242 elizweni jikelele.
Abatshutshisi ekuthonisweni kodaba lukaHenrietta Rushwaya bathi akumelanga aphiwe imvumo yokuhlawula isibambiso sebheyili besithi imizamo yokuphuma elizweni legolide elilesisindo esikhulu kangako, buyibusela bzinga laphezulu.
Ezinye izizalwane zeZimbabwe kweleBotswana zithi zikhathazekile ngemigoqo elokhe ikhona phezu kokuvulwa kwemingcele ngesikhathi seCOVID-19, bengazi ukuthi bazakwenelisa ukuyafika ekhaya ngekhefu leKhisimusi loba hatshi.
Seliqonga njalo okwesabekayo inani labatholakala beleCoronavirus emazweni awezekwazi le Europe ngasikhathi sinye sokuphuma inkuthazo yokuthi amazwe la, abuyele kuziqondiso eziqinileyo zokuvimba ukumemetheka kwaleligcikwane. Kwele Bhilitathane inani lasebubulawa lokutholakala belegcikwane leli, liqansa nsukuzonke osekusethusa izizalwane zeZimbabwe ezihlala kulelozwe.
Abaculi labanye abakumsebenzi wokulibazisa uzulu bathi ukubhubha komculi uCal_Vin ngempelasonto edluleyo, kutshiye isikhala esikhulu emsebenzini lo. Lumculi obesethole imivuzo lezicoco ezithile emsebenzini wokulibazia uzulu ubikwa etshaywe yimotha ngeSonto, emadabukakusa.
Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.