EZimbabwe inani lasebehlolwe batholakala bele COVID-19, lokhu lolubhubhane lwaqhamukayo ngoMbimbitho nyakenye, selikunkulungwane ezedlula ezilikhulu-132,880 okugoqela abantu asebephephe kulumkhuhlane abazinkulungwane ezedlula ikhulu-127,596, kwafa inkulungwane ezedlula ezine lengxenye- 4,675.
Usuqalile umhlangano omkhulu owebandla leZapu iCongress lapho okulabantu abambalwa, abagoqela uMnu. Sibangilizwe Nkomo, abafisa ukungena esikhundleni sikamongameli webandla leli esake saphathwa ngumuyi uDr Joshua Mqabuko Nkomo loMnu. Dumiso Dabengwa.
Ikhansili yedolobho lakoBulawayo lamhlanje ikhangelele ukusungula okusemthethweni isamba sokuhlanganisa izipho ezizaphiwa abantu lenhlanganiso ezehlukeneyo ngaphansi kohlelo lweMayors Christmas Cheer Fund . Izolo imizi egcina abantu abahlukeneyo ezilitshumi lane zitholiswe izipho ngaphansi kwalesi sikhwama.
Ibandla leMDC Alliance lithi selilobele iUnited Nations incwadi likhonona ngokuthi isithunywa salumanyano uNkosazana Alena Douhan uqhube uphenyo lwakhe phezu komthelela wezijeziso ezetheswa amalunga eZanu PF eyamele kucele likahulumende. Umsekeli kamkhokheli walelibandla uMnu Tendai Biti utshele intathelizindaba namuhla ukuthi imbono yeMDC Alliance ayiqakathekiswanga nguDouhan.
Imali edingakala ukuba imuli yabantu abayisithupha iphile kwele Zimbabwe isikhuphuke okumangalisayo yaba kumadollar angamatshumi edlula aman- $42 708. Lokhu kuphume embikweni okhitshwe ngabohlangothi lukahulumende olwe Zimbabwe National Statistics Agency (ZIMSTATS).
Kuliviki kuhlelo Woza Friday silomculi womdumo weAfro Soul, uPatrick Nyawumwe odume ngegama lokuthi Trick Siza yena osebenzela koBulawayo.
KuLivetalk namuhla kuhlelo sikhangela okwenzakala elizweni okugoqela ukuqhubeka kohlelo lokuhlaba abantu ijekiseni yokuzivikela kuCovid 19.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.