amalinks wokungena

Breaking News

Inhloko ZeNdaba Mfumfu 30, 2020


Umbiko owethulwe ngabogatsha lwezempilakahle izolo uveza ukuba sebezinkulungwane ezedlula ezithobaminwe mibili-8,349, asebetholakale beleCovid 19, eZimbabwe, lokhe laqhamukayo ngoMbimbitho lonyaka. Abasile kulumkhuhlane sebenzinkulungwane eziphose zifike kwezithobaminwemibili-7,864, kuthi inani lababulewe yiwo lokhu likumakhulu edlula amabili-242.

Izifundi zePrimary le Secondary zifole zisiyakusa incwadi yezikhalazo kuMphathintambo wogatsha lwezemfundo zifuna lulungisiswe udaba lwababalisi.

Izakhamizi zeMaNdebeleni ziveza imibono ehlukileyo ngokuba uhulumende usethe inkokheli zomdabu zizaphatheka ekuxazululeni udaba lombhuqazwe weGukurahundi.

Inhlanganiso yeCITEs lamhlanje ibukise indaba zombuqazwe weGukurahundi ezilesihloko esithi "l want my virginity back" Kanye lokuvula okusemthethweni indlu yembali yombuqazwe weGukurahundi

Abantu abayisithupha abagoqela amapholisa labacuphi, amaCIO, bamiswe emthethwendaba besetheswa icala lokusebenza loNkosazana Henrietta Rushwaya kudaba lokuzama ukuphuma legolide elizweni ngaphandle komthetho.

Ibandla le MDC- T selikhethe amalunga alo ukuba ngabagcinisihlalo bamakhomithi edale le phalamende lapho elasusa khona abeMDC Alliance. Sokusele insuku ezintathu ukuthi kwenziwe ukhetho lukamongameli, olwamanye amalunga edale leSenate lawe House of Representatives lezigaba ezitshiyeneyo emadolobheni.

Abaculi labanye abakumsebenzi wokulibazisa uzulu bathi ukubhubha komculi uCal_Vin ngempelasonto edluleyo, kutshiye isikhala esikhulu emsebenzini lo. Lumculi obesethole imivuzo lezicoco ezithile emsebenzini wokulibazia uzulu ubikwa etshaywe yimotha ngeSonto, emadabukakusa.

Umbiko esisanda kuwuthola uthi omunye njalo umculi olodumo, uSibonisiwe Sithole, ongomunye wabasungula iNkululeko Yabatsha School of Arts, kasekho.

Ku Livetalk namhlanje sikhangela udubo lwenkohlakalo eZimbabwe kanye lokwenzakala eMelika ngaphambilini kwelanga lokhetho lokudinga umongameli walelozwe lwaNgolwesibili mhlaka 3 Lwezi.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG