amalinks wokungena

Breaking News

Inhloko ZeNdaba Mfumfu 5, 2020


Lokhu bengamakhulu edlula kancane amabili-228 asebebulewe yiCovid 19, eZimbabwe. Sebezinkulungwane phose eziyisitshiyagalombili-7,888, asebefunyenwe belegcikwane leli elizweni jikelele.

Uhulumende ukhuthazwa ukuba alungisise udaba lweholo lezisebenzi zakhe hatshi ukube lokhe ebadlelebezela ngokubanikeza imali ze “Cost of living adjustment allowances” besithi ngoba kungayisikho abakufunayo.

Namhla lusuku lokunanza ukuqakatheka komsebenzi owenziwa ngababalisi kodwa abasemhlubulweni weMatabeleland bathi akula lutho abalujabulelayo ngoba bethola iholo eliphansi kakhulu nxa kuqathaniswa labanye ababalisi basemhlubulweni wangezansi yezwekazi leAfrica.

Izakhamizi ezinengi edolobheni lakoByo sezihlalenyanga phose ezedlula ezithoba minwe mibili zingatholi amanzi empompini, ziphila ngokunatha ematankeni lemithonjeni engahlanzekanga, inengi lisithi uhulumende kangenele abagebhele izibholane ukuze bathole amanzi.

Umanisipala waseHarare uthi imizamo yakhe yokulwisana lesifo sesihudo ukhanya uhamba kakuhle nanku sokungamaviki ayisithupha bengahlaselwanga ludubo lwesihudo kulelo dolobho ngalesi sikhathi somnyaka abavame ukuba ngabe sebelwisana laso.

Ku Livetalk namhlanje sikhangela isimo sokumelana leCovid 19 lesezombusazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG