Endabeni zethu lamhlanje……………
*** Sekuzinsuku ezedlula inyanga-35 days, odokotela bekhalala umsebenzi besithi iholo labo alisabavumeli ukuthi benelise indleko yokuya emsebenzini.
*** Odokotela banikeze uhulumende incwadi yokumazisa ngokuphuma kwabo enhlanganisweni yezisebenzi zikahulumende eyeHealth Apex Council besithi abasela themba lokuthi imele izikhalazo zabo.
*** Abebhanga elikhulu lelizwe ele Reserve Bank of Zimbabwe balandula imibiko ethi izisebenzi zenhlanganiso ezizimeleyo akusamelanga ziholiswe ngeola leMelika.
*** Uzulu we Zimbabwe uhlaba omkhulu umkhosi ngokuqonga kwentengo yempahla mihla ngemihla.
*** Umqeqetshi weqembu le Chicken Inn uJoey Antipas uthi Iqembu lakhe lisaselalo ithuba elokuphakamisa isicoco seligi loba nje selitshiywa ngemiklomelo emihlanu liqembu elihlezi phezu kwengalane ele CAPS United.
*** KuLiveTalk namuhla sikhangela ubunzima obubhekane labantu ngenxa yokukhalala umsebenzi okwenziwa ngodokotela. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.