Kufe umuntu oyedwa izolo ngemva kokukhulelwa yiCovid 19, okukweze inani lasebebulewe yileli gcikwane, eZimbabwe kwabangamakhulu edlula kancane amabili-229. Sebezinkulungwane phose eziyisitshiyagalombili-7,915, asebefunyenwe belalo elizweni kwasinda abazinkulungwane ezedlula eziyisithupha-6,440.
Inengi lezizalwane zeZimbabwe ezisebenza kweleSouth Africa zithi inyathelo likahulumende lokuvula umngcele weBeitbridge kulabo kuphela abalencwadi zokuba kweleSouth Africa ngokusemthethweni alisizi lutho ngoba inengi labantu abalazo lezincwadi.
EleBotswana selibone inani labantu abatholakala beleCoronavirus, liqonga okwethusayo ensukwini ezisanda kudlula. Lokhu kuzindaba ezingamnandi kunengi labeZimbabwe eselihlala kulelozwe, ebelikhangelele ukuthi mhlawumbe imingcele phakathi kwamazwe womabili ingavulwa.
Ku Livetalk namhlanje siqubekela phambili sikhangela umonakalo osudalwe yiCovid 19 eZimbabwe lasemhlabeni jikelele.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.
Facebook Forum