Endabeni zethu lamhlanje……………
*** UMongameli Emmerson Mnangagwa utshele umbuthano wabasekeli bakhe e Harare ukuthi izijeziso zenotho ezetheswa iziphathamandla zikahulumende wakhe yizo esezibulele ilizwe. Abantu bafole betshengisela bekhuthaza amazwe angentshonalanga ukuthi esule lezi zijeziso emadolobheni ambalwa agoqela koBulawayo, Gwanda, Beitbridge, Mutare lamanye.
*** Abaphikisana lokwesulwa kwalezi zijeziso bathi iZanu PF isivika ngebhetshu ngazo ikwazi mgceke ukuthi yiyo esibulele ilizwe hatshi lezi zijeziso.
*** UMongameli Masisi weleBotswana nguye onqobileyo kukhetho oluqhutshwe ngoLwesithathu.
*** KuWoza Friday liviki, sixoxa lejaha elisakhulayo uBright Moyo owazakala ngegama lokuthi Bry ocula umdumo weDance Hall esedolobheni leGwanda.
*** KuLiveTalk namuhla sikhangela ukutshengisela okwenziwe endaweni ezitshiyeneyo zelizwe abasekeli beZanu PF bekhuthaza ukwesulwa kwezijeziso zenotho ezetheswa ezinye zeziphathamandla zaleli bandla ngamazwe angentshonalanga. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.