UMongameli Emmerson Mnangagwa izolo uqinise iziqondiso zokwenqabela umkhuhlane weCovid-19 ngokwethula umlayo othi zonke izethekeli kanye lezizalwane zeZimbabwe ezivela phandle kwelizwe, kumele zihlolwe lumkhuhlane emingceleni yelizwe njalo ziqeda lapho ziyehlala kuma-quarantine centers okwamaviki amabili lanxa zingelawo lumkhuhlane, okuyinto esolwa ngabanengi.
Lanxa sokulomkhakha omutsha weCoronavirus obonwe zingcwethi zangezansi yezwekazi le Africa akulamuntu osethe watholakala elegcikwane leli e Zimbabwe.
Abogatsha lwezempilakahle babika ukuba sebeyizigidi eziphose zifike kwezine-3,794,549 asebehlatshiwe ijekiseni yakuqala yokuzivikela kuCovid 19, okulinani eligoqela izigidi phose ezintathu-2,816,543 zabahlatshwe wonke womabili.
Izizalwane zeZimbabwe kweleSouth Africa zithi ukuqiniswa kwemithetho yokwenqabela icovid okumenyezelwe izolo ngumongameli Emmerson Mangagwa sekuhle kwavimba indlela yokubuyela ekhaya ngeKhisimusi.
EleZimbabwe limanyene lamanye amazwe womhlaba ukunanza ilanga lokuqakathekisa umsebenzi wokuvimba ukuthelelanwa kwengculaza eleWorld AIDS Day.
Ayanchipha amathuba abeZimbabwe abangaphandle kwelizwe awokuthu bayefika ekhaya ngesikhathi sekhefu leKhisimusi.
KuLivetalk namuhla kuhlelo “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.