UMuzi ogcina asebekhulile owe Entembeni Old People's Home is e Luveve koBulawayo, namuhla wamukele izipho zekhisimusi ezivele kumalunga edale lephalamende yeZimbabwe Izipho lezi zigoqela isolar system, omabona kude TVs, imtshina yokuwatsha, ama grocery lokunye okunenginengi.
Inani labatholakala beleCOVID-19 ngokuphetha kosuku lwayizolo liqonge laya kwabangaphezu kwenkulungwane ezimbili lengxenye-2,555, njalo yabulala abathathu.
Osomabhizi kanye labacebisi bakamongameli Emmerson Mnangagwa bahlangene namuhla esigodlweni eState becubungula eziphathelane lomnotho welizwe; lapho abavumelane ukuthi ukuthengiswa kwemali emkambo omnyama osokubhahile, yikho okubhidliza umnotho welizwe.
Obedume ngokulwela amalungelo oluntu uMnu. uDewa Mavhinga obhubhe ngo Mqgibelo, uchazwa ngabanengi njengomuntu obesebenza engela kwesaba njalo ozakhunjulwa ngomsebenzi wakhe omuhle.
Abenhlanganiso elwela amalungelo oluntu eyeWomen In Leadership Development baphakathi kohlelo lokufundisa abesifazana lamantombazana, abangabakhokheli ezigabeni zabo ngendlela yokuzikivela kudlakela ababhekana lalo ezindlini zikhathi zonke ngesikhathi umhlaba unanza i16 Days of Activism Against Gender Based Violence.
zakhamizi zakoBulawayo zithi udubo lokudubuka kwaempompi ethwala amanzi alengcekeza laphuma ezambuzini awe-sewer ngokunye osokubanga ngamandla ukuqhamuka kwesihudo leminye imikhuhlane edolobhen leli.
KuLivetalk namuhla kuhlelo “The Connection” sikhangela okwenziwa ngabasakhulayo emsebenzini wokumelana lobhubhane lweCovid 19 ngesikhathi sokuqhamuka komkhakha omutsha owe Omicronn lomkhankaso owe 16 Days of Activism Against Gender Based Violence.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.