amalinks wokungena

Breaking News

Inhloko ZeNdaba Mpalakazi 1, 2020


Abafundi lababalisi abalitshumi lanhlanu abesikolo seMtshabezi High eZansi yemaNdebeleni sebebanjwe igciwane leCovid - 19 ngesikhathi abazali lababalisi besithi uhulumende kavale izikolo.

Lamhlanje iZimbabwe imanyane lamazwe womhlaba ukunanza ilanga lokuqakathekiswa komsebenzi wokuqedwa kokuthelelanwa igcikwane lengculazaa, eleWorld AIDS Day ngaphansi kwendikimba ethi "Endlini the HIV/AIDS Epidemic Resilience and lmpact ngesikhathi iCovid 19 isidla amahabula

Abenhlanganiso eyeNational Aids Council (NAC) bathi inani labantu abatholiswa imithi yabaphila lengculaza eyama ARVs seliqansile bekhuthaza uzulu ukuzilondoloza ukuze avikele ukumemetheka kwegcikwane ele HIV/AIDS. INAC ithi umkhuhlane we COVID-19 kumele unikeze uzulu ithuba lokuba azivikele kumagcikwane womabili.

Uzulu ophila ngokuthengisa koBulawayo ujabulela ukuvulwa kwemingcele yelizwe, ethi kuzakwehlisa inhlupho abhekane lazo zokuzinakekela. Imingcele lokhe yavalwa ngoMbimbitho kuqhamuka umkhuhlane we COVID 19. Abanye njalo bathi basevalweni ngoba lokhu kuzamemethekisa umkhuhlane weCovid 19.

Ku Livetalk namhlanje kuhlelo lwabatsha olwe”The connection” sikhangela ukunanzwa kwelanga leWorld Aids Day, ukuqonga kwenani labatholakala beleCovid 19 kanye lomkhankaso owokuvimba ukuhlukumezana owe16 Days Activism Against Gender Based Violence.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG