*** Kulabantu abafika phose ikhulu – 95 abaholwe izolo eZimbabwe batholakala belomkhuhlane weCOVID-19. Uhlangothi lwezempilakahle luthi kulomuntu oyedwa obulewe ngumkhuhlane lo ngoLwesithathi.
*** EleZimbabwe namuhla limanyane lamazwe womhlaba wonke jikelele ekunanzeni ukulondolozwa kwamalungelo kazulu ngosuku lwe International Human Rights Day, ingcwethi kwezombusazwe labalwela amalungelo oluntu besithi uhulumende kaMongameli Emmerson Mnangagwa akaqhubanga kahle ekuhlonipheni amalungelo oluntu lonyaka.
*** Ugatsha lwezempilakahle kweleSouth Africa luthi leli lizwe selingenile kuhlandla lesibili lokuhlasela komkhuhlane wecoronavirus okuyinto esitshiye inengi lezizalwane zeZimbabwe zikhathazeke kakhulukazi.
*** UMongameli Donald Trump uqhubekela phambili ezama ukuguqula impumela yokhetho lukamongameli olwenziwa ngoLwezi ngesikhathi uMnu. Joseph Biden elungiselela ukungena esikhundleni sikamongameli ngoZibandlela.
*** KuLivetalk namuhla kuhlelo ‘Asiyihluzeni Bomama’ sixoxa ngomkhuhlane weCOVID-19 kanye langensuku zokulwisana lokukhahlanyezwa kwamalungelo obulili – i16 Days Against Gender Based Violence.