Uhlangothi lukahulumende olulawula umsebenzi wamanzi, olweZimbabwe National Water Authority lubike ukuba umsebenzi wokwakha idamu leGwayi- Shangani uqhubeka kakuhle. Lokhu kuphume emhlanganweni oqoqwe nguManisiphala izolo, owe Bulawayo City Council Water lndaba wokuhlaziwa udubo lwamanzi njalo sebeqalile ukuhlola ingwalo zabakhangelele ukwakha impompi zokudonsa amanzi iwasa koBulawayo njalo bakhangelele ukuqeda ukwakha ngomnyaka ozayo.
Inani labatholakala beleCOVID-19 ngokuphetha kosuku lwayizolo liqonge laya kwabangaphezu kwenkulungwane ezinhlanu-5,189, njalo yabulala abathatu.
Abasemhlanganweni oqoqwe ngele Melika owokuvuselela umbuso okhululekileyo wentando kazulu emhlabeni jikelele, bathi inkohlakalo ngeyinye yembangela yokuthi abantu behluleke ukuzibusa kuhle lokuzithuthukisa.
Uzulu weZimbabwe wethula imbono ehlukeneyo ngomhlangano weDemocracy Summit oqoqwe ngeleMelika.
Kuliviki kuhlelo Woza Friday sihamba leqembu elizibiza African Mingoli likhokhelwa ngu Eric Ndlovu osezibiza Sam Randeni kuligama lakhe lokucula.
KuLivetalk namuhla sikhangela ukuqhubeka komsebenzi wokumelana leCovid 19 ngesikhathi liqana inani labahlolwa betholakala belegcikwane leli eZimbabwe lasemhlubulweni wangezansi kwezwekazi le Africa.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.