amalinks wokungena

Breaking News

Inhloko ZeNdaba Mpalakazi 11, 2020


Kufe umuntu oyedwa waseManicaland izolo, obulewe yiCovid 19 okukhuphule inani lasebebulewe yiyo kwabangamakhulu edlula amathathu-305. Okwamanje sebezinkulungwane ezilitshumi lanye-11,081 asebehloliwe batholakala belegcikwane leli eZimbabwe.

Lamhlanje uBulawayo unanze ilanga eleWorld Aids Day. Lumkhosi oqoqwe ngabohlangothi lukahulumende olwe National Aids Council wenzelwe eRainbow Hotel waphinda wasakazwa njalo ebulenjini.

Imuli ezedlula ikhulu zitshiywe egcekeni zinethwa lizulu ngemva kokudilizelwa izindlu ngabekhansili yeHarare, emzini weBudiriro, besithi zakhiwe ngokungekho emthethweni.

Abazali bakoBulawayo bakhala ngokuthi abantwana ababhala imihloliso babhekane lenhlupho ezinengi ezigoqela ukusilela kwamaphepha lokunye.

Abakhetha umongameli kwele Melika ababizwa ngokuthi yiElectoral College bakhangelelwe ukuthi bazavotela uMnu. Joseph Biden ngeviki ezayo ngesikhathi uMongameli Donald Trump esephanyeke udaba lokuguqula impumela yokhetho eSupreme Court.

Kuhlelo Woza Friday namuhla sileqembu elizibiza ngokuthi ‘Ezakobonke Parental Bliss’ lona eselethule idlalade elitsha.

Ku Livetalk namhlanje sizakupha abalaleli ithuba lokupha imibono yabo ngokwenzakala elizweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG