amalinks wokungena

Breaking News

Inhloko ZeNdaba Mpalakazi 14, 2021


Inani labahlolwa batholakala beleCovid 19 lokhu lolubhubhane lwaqhamukayo ngoMbimbitho nyakenye seliqonge ngabazinkulungwane eziphose zifike ezinhlanu-4,872, abatholakale belegcikwane leli izolo, laya kwabazinkulungwane phose amakhulu amabili-172,012, labulala ababili.

Lanxa uhulumende weZimbabwe, ebehlele ukuhlaba ijekiseni lokuzivikiela kulolu bhubhane abantu abangaba yizigidi ezilitshumi-10 million, kusiya phela lumnyaka, usenelise ukuhlaba izigidi eziphose zifike ezine-3,966,929 kuphela.

Uzulu wakoBulawayo uveza imibono ehlukileyo ngenyathelo lokuguqulwa kwengwalo zokuhambisa ezama Passport. Namhlanje uMongameli Emmerson Mnangagwa ukhangelelwe ukuphawula ama e-passport eHarare.

Abangene umhlangano oqoqwe ngabenhlanganiso elwela amalungelo wokuba lombuso wentando kazulu eye Zimbabwe Democracy Institute, owenzelwe eHarare, bathi kumele ababebutho besuswe kwezombusazwe njalo kuhlonitshwe umthetho ukuze ukhetho luka 2023 luqhutshwe ngokukhululekileyo.

Abekhansili yakoBulawayo bamanyene lamhlanje, labekhomishini kahulumende ebona ngokuvuselelwa kwamaganga eyeForestry Commission, esikolweni seQueen Elizabeth 2, ukusungula uhlelo lokuhamba behlanyela izihlahla emizameni yokumelana kokuguquka komumo womkhathi.

Abalamabhizimusi amancane bakhala ngebhizimusi ephansi ngesikhathi sekhefu leKhisimusi esililandayo, bethi lokhu kutshengisa ukuthi ibhizimusi izabe iduma.

KuLivetalk namuhla kuhlelo “The Connection” sikhangela okwenziwa ngabasakhulayo emizameni yokumelana lobhubhane lweCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG