amalinks wokungena

Breaking News

Inhloko ZeNdaba Mpalakazi 15, 2021


Unobhala wogatsha lokwethulwa kwemibiko uMnu. Nick Mangwana wethule umbiko enkundleni eyeTwitter esithi uMongameli Emmerson Mnangagwa useqelise ukusebenza kweziqondiso zokumelana leCovid 19, eze Lockdown, ngamanye amaviki amabili. Amahofisi engatsha zikahulumende abikwa ezakwehlisa isikhathi sokuba emsebenzini ngesilinganiso sokungamatshumi amathathu ekhulwini.

Lokhu liqonga ngalezi nsuku inani labahlolwa betholakala beleCovid 19 ngelanga e Zimbabwe. Kwabahlolwe izolo abazinkulungwane ezedlula ezinhlanu-5,678, batholakale belegcikwane leli. Okukhuphule inani leli lokhu lolubhubhane lwaqamukayo nyakenye, laya kwabazinkulungwane phose amakhulu amabili-177,690, labulala abayisithupha.

Indwendwe ziqhubeka zisanda koBulawayo ngesikhathi abantu asebathatha umhlala phansi, amapensioners lezisebenzi zikahulumende bezama ukuthola iholo likaMpalakazi ikhisimusi ingakafiki.

Abadabuka eZimbabwe abahlanu abaphephela kweleBotswana abakade bephanyeke emthethwandaba, udaba lwabo lokulwisa ukubuyiselwa ekhaya sebelahle ithemba, ngemva kokuba umthethwandaba waphezulu owe High Court, eGaborone, ulahlele khatshana udaba lwabo.

Esigabeni lapho esixoxa lezizalwane zeZimbabwe ezihlala kwamanye amazwe, namuhla siloTawanda Chitapa, owake wadlalela iqembu lenguqu eleHighlanders, osengumqondisi weNorton Healthcare esigabeni seKentucky khonapha kwele Melika.

Abalandeli beqembu lomdlalo wenguqu ele Highlanders bahlela ukubonga isiphathamandla somdlalo wenguqu esilodumo elizweni le Zimbabwe uNdumiso Emmanuel Gumede.

KuLivetalk namuhla kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG