amalinks wokungena

Breaking News

Inhloko ZeNdaba Mpalakazi 16, 2020


Sebezinkulungwane ezedlula ezilitshumi lanye-11,522 asebehloliwe batholakala beleCovid 19, eZimbabwe. Abasinde kulumkhuhlane, sebezinkulungwane ezedlula ezithoba munwe munye-9,599. Abalokhu begula bayedlula inkulungwane eyodwa lengxenye-1,613, labulala abangamakhulu edlula amathathu-310.

Umphathintambo wogatsha lwendaba zasekhaya kweleSouth Africa umnumnzana Aaron Motsoaledi usexwayise izizalwane zeZimbabwe okubikwa zisebenzisa incwadi zokuzibazela zokuthi azila gciwane leCovid-19 esithi abenzalokho bangabanjwa bazawukhomba olotshwala.

Inengi labeZimbabwe kweleBotswana lilakho ukwehluleka ukuyafika ekhaya ngekhefu lekhisimisu. Lokhu kuza ngesikhathi iBotswana isithi abantu abafuna ukuhamba ngitsho laphakathi kwelizwe, kumele behlolwe ukuthi abalamkhuhlane weCOVID-19.

Abake badlalela iqembu lomdlalo wenguqu ele Highlanders batshayelwa ihlombe ngokubumba inhlanganiso ephathisa labo abadinga usizo.

Abanye abalandeli baka Mongameli Donald Trump, olukhu esithi waqilwa kukhetho lukamongameli libandla lama Democrats, sebevuma ukuthi uMnu. Joseph Biden uzangena esikhundleni sikamongameli ngoZibandlela. Kodwa bakhona njalo abathi uBiden akumelanga angene esikhundleni lesi.

Ku Livetalk namhlanje kuhlelo “Diaspora Forum” sikhangela okubhekane lezizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG