Endabeni zethu lamhlanje ……………..
************* Odokothela asebehlale emsebenzini okweminyaka eminengi sebemanyene labasanda kugqiba izifundo ekukhalaleni umsebenzi bekhala ngeholo.
************* Abebandla leZAPU bathakazelela ukufikisa iminyaka engamatshumi amahlanu lasikhombisa lelobandla labunjwayo kodwa bekhala ngokuthi lokhe ilizwe latholayo uzibuse abantu bayadubeka befuna lombuso wezabelo utshetshe uqale ebantwini.
************* Abenhlanganiso yababalisi bemaphandleni abakuhlelo lokufola behamba ngenyawo besuka eMutare besiya eHarare njengendlela yokukhonona ngokungaphathwa kuhle ngumqatshi, ababotshwe ngempelasonto bamiswe phambi komthethwandaba eMarondera.
************ Umqeqetshi weqembu le FC Platinum uNorman Mapeza uthi iqembu leli selifake unyawo olulodwa kusigaba esilandelayo esomncintiswano we CAF Champions League ngemva kokuba ngutshiki lobhanqa 1-1 leqembu le AS Otoho elase Congo Brazzaville khonale kwele Congo.
********** KuLiveTalk namhlanje sikhangela umumo kwezempilakahle elizweni ngesikhathi odokothela bekhalala umsebenzi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.