Endabeni zethu lamhlanje……………
*** Abantu bakhala ngokuthi bathwele amagabha avuzayo ngodubo lokusilela kwempuphu ezitolo. Lokhu kungemva kokuba uhulumende ethe uzaqhubekela phambili ebhadalela ingxenye yendleko yokuthenga umumbu.
*** Amagqwetha kaNkosikazi Marry Mubaiwa Chiwenga umkakhe womsekeli kamongameli welizwe, athi asekhweza isicelo sokuthi avunyelwe ukuhlawulela isibambiso sebail emthethwandaba waphezulu oweHigh Court.
*** Iziphathamandla zesibhedlela seParirenyatwa Group of Hospitals, esise Harare zibika ukuba lanxa bekhona asebebuyele emsebenzini kubodokotela abasanda kuphutsha izifundo ama Junior Doctors, isimo lokhe singabuyeli esimeni esihle.
*** Abenhlanganiso ye Southern African Parliamentary Support Trust bahlangane labamakhomiti ehlukeneyo edale lephalamende besethula impumela yophenyo abayenzayo ngendlela amankampani kahulumende ama parastatals asebenza ngayo.
*** KuLiveTalk namhlanje, kuhlelo Diaspora Forum sikhangela okubhekane lezizalwane zeZimbabwe ezisemazweni zilungiselala ikhefu leKhisimusi. Nxa lifuna ukungena kuhlelo thumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.