amalinks wokungena

Breaking News

Inhloko ZeNdaba Mpalakazi 18, 2020


Abafundi abangamatshumi amabili esikolo seMinda High eMapisa eZansi yemaNdebeleni sebebanjwe igciwane leCoronavirus okulakho ukudala ukuthi badlalele iKhisimusi esikolo.

Sebezinkulungwane phose ezimbili-1,734, abagulayo ngomkhuhlane weCovid 19, eZimbabwe, Phakathi kwabazinkulungwane ezedlula ezilitshumi lanye-11,749, asebehlolwe bafunyanwa belegcikwane leli lokhu laqala ukuhlasela elizweni. Abasinde kulumkhuhlane, sebezinkulungwane phose ezilitshumi-9,836, labulala abangamakhulu edlula amathathu-313.

Ibandla eliphikisayo eleMDC Alliance elikhokhelwa nguMnu. Nelson Chamisa likhala ngokuthi ibandla elibusayo eleZanu PF lijonge ukuphazamisa ukusebenza kwamakhansili emadolobheni wonke aphansi kwalo.

Lamukelwa ngenjabulo inyathelo uhlangothi lukahulumende olwe Broadcasting Authority of Zimbabwe lokupha ama layisensi kumisakazo emithathu yezabelo ukuze yenelise ukusakaza okusemthethweni, abenhlanganiso ekhankasela ukusungulwa kwemisakazo yezabelo eye Zimbabwe Association of Community Radio Stations - ZACRAS besithi balethemba lokuba kuzophiwa eminye eminengi imisakazo esamelele lawo maLicense.

AbeZimbabwe abaphila ngokuthengisa imphahla emazweni angomakhelwane afana leBotswana le South Africa bathi noma nje bejabuliswe yikuvulwa kwemingcele, lokhe kulemigoqo eminengi kubhizimusi labo ngoba kumele bebuyisele yonke imali kubhanga leReserve Bank of Zimbabwe.

KuWoza Friday liviki silelethela umculi wase Zimbabwe ohlala kweleGermany, uNomathamsanqa Mkhwananzi odume ngegama lokuthi nguNkwali ose Zimbabwe okwamanje lapho abe lomkhosi wokwethula idlalade lakhe elitsha aliphekileyo izolo.

Ku Livetalk namhlanje siqhubeka sikhangela ukumemetheka okwenza igcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG