Endabeni zethu lamhlanje ……………..
*********** UMongameli Emmerson Mnangagwa ukhangelelwe ukwethula impumela yenhlolisiso enziwe ngabekhomishini ebicubungula imbangela yodlakela lokudutshulwa lokubulawa kwabantu mhla ka 1 Ncwabakazi lonyaka ngemva kokhetho kusamelelwe impumela yalo.
************* Abalwa impi yenkululeko abe Zimbabwe National Liberation War veterans Association (ZNLWVA) batshengisele befola besiya ehofisini kaMongameli Emmerson Mnangagwa ukuthi abengezelele imali abayithola ngenyanga yempentsheni.
************* Inhlanganiso ye Zimbabwe Democracy Institute (ZDI) iphawule ugwalo olulesihloko esithi ‘Perceptions on Corruption and Service Deliveriy in the Mnangagwa Dispensation’ lapho abaveze ukuba udubo lwenkohlakalo lokhe lubhahile elizweni.
************* Abohlangothi olubona ngokubuthaniswa kwemithelo olweZimbabwe Revenue Authority (ZIMRA), bakhuthaza abatshayeli ukuthi basebenzise ubulembu, beInternet, ukuthola incwadi zokuchaphisa imota emngceleni, ama Temporary Import Permits (TIPs).
********** KuLiveTalk namhlanje sikhangela impumela yenhlolisiso yokucubungula imbangela yodlakela lokudutshulwa kwabantu ngamasotsha kwafa abayisithupha ngesikhathi sokhetho. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.