amalinks wokungena

Breaking News

Inhloko ZeNdaba Mpalakazi 21, 2020


Ukumemetheka kweCovid-19 eMandebeleni kuqhubekela phambili ngesiqhubu esethusayo. Phakathi kwabantu abedlula inkulungwane ezimbili-2,144, abahlolwe izolo abedlula ikhulu elilegxenye -174, bafunyenwe beleCovid-19. Abangamatshumi edlula amabili- 20 babo, ngabakoBulawayo, ababili-2 bengabeMatabeleland North, eMatabeleland South bayisificaminwe mibili-8. Okutsho ukuba umkhuhlane weCovid-19 uqhubekela phambili umemetheka koBulawayo lezweni jikelele lobanje abezempilakahle bengatsho kahle kahle ukuba imbangela yokumemetheka komkhuhlane ingabe kuyini.

Ihofisi yommeli weZimbabwe kweleBotswana isiqale ukunikeza incwadi zokuhambisa, ama Emergency Travel Documents (ETDs) kulabo abahlala kweleBotswana okungekho emthethweni, ukuze benelise ukuya ekhaya ngesikhathi lekhefu lekhisimusi njalo kulwiswe ukumemetheka komkhuhlane weCOVID-19.

Abalwa impi yenkululeko bekuviyo le ZIPRA ebandleni le PF ZAPU bafuna lutshutshiswe udaba lwabo lokuba babuyiselwe leyo mpahla abayithathelwa nguhulumende weZanu Pf eminyakeni yangemuva ilizwe lisanda kuthola uzibuse.

Ingcwethi zona zithi lulakho ukuphazamisa udaba lomanyano phakathi kwamabandla ezombusazwe amabili la nxa loludaba lungasalungiswanga lwaphela.

Selihlabe ikhefu iqembu elimela ilizwe le Zimbabwe emdlalweni wenguqu elilungiselela ukuyaphatheka kumncintiswano we African Nations Championship ekuqaleni komnyaka ozayo. Umqeqetshi uZdravko Logarusic uphe abadlali ithuba lokuyadlala ikhefu lekhisimusi lemuli njalo uzakhetha abadlali azahamba labo kwele Cameroon ekuphendukeni kwabadlali mhla zingamatshumi amabili lesikhombisa kuyonale inyanga kaMpalakazi.

Ku Livetalk namhlanje siqhubeka sikhangela ukumemetheka okwenza igcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG