amalinks wokungena

Breaking News

Inhloko ZeNdaba Mpalakazi 21, 2020


Umkhuhlane oweCovid 19 ubulele abantu ababili bakoBulawayo, izolo okuhle kwakhuphula inani lasebebulewe yilumkhuhlane lokhu wahlasela eZimbabwe, ngoMbimbitho, kwabangamakhulu amathathu alamatshumi amabili lambili-322.

Lamuhla uzulu weZimbabwe unanza usuku lokulotshwa kwesivumelwano sokuthula eseUnity Accord. Lesi sivumelwano salotshwa eminyakeni engamatshumi amathathu lantathu - 33, edluleyo phakathi kwamabandla ezombusazwe ayelwisana ngaleso sikhathi elalikhokjhelwa ngumuyi uDr Joshua “Mqabuko” Nkomo ele PF Zapu leleZanu elalikhokhelwa nguMnu. Robert Mugabe.

Izakhamuzi zakoBulawayo zihlaba omkhulu umkhosi ngomumo wemigwaqo esigugudekile sekugcwele amagodi ndawana yonke. Izakhamizi zaleli dolobho zithi uma lumumo ungalungisiswanga ngokuphangisa kuzadala ingozi ezinengi zomgwaqo ikakhulu khathesi ngesikhathi sekhefu leKhisimusi.

Abamabhasi labezimotha ezithwala uzulu bakhuphula imbadalo yokugada phambilini kwekhefu leKhisimusi.

Ku Livetalk namhlanje kuhlelo lwabatsha olwe “The Connection” siqhubeka sikhangela ukumemetheka okwenza igcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG