amalinks wokungena

Breaking News

Inhloko ZeNdaba Mpalakazi 21, 2021


Inani labantu ababulawa yiCOVID-19 liya liqansa ngalezi nsuku e Zimbabwe. Izolo kubhubhe abantu abalitshumi lasitshiyagalolunye -18.

EleBotswana lithi abangahlatshwanga ijekiseni yeCovid-19 abasasoke bevunyelwe ukuhlanganela labanye embuthanweni wabantu abadlula ukhulu. IBotswana ngelinye lamazwe ahamba phambili kuzwekazi leAfrica, kuhlelo lokuhlaba ijekiseni yeCovid-19.

lkhansili yakoBulawayo lamhlanje iphe izipho inhlanganiso ezithile phansi kohlelo lweMayors Christmas Cheer Fund.

Umkhokheli womdabu, uFelix Nhlanhlayamangwe Ndiweni, uthi amagqwetha akhe asekhulumisana lamapholisa kulandela isinqumo esethulwe ngumthethwandaba esithi kumele abotshwe.

Abaqeqetshi beqembu labesilisa elimela ilizwe emdlalweni wenguqu sebebize abadlali abangamatshumi amathathu ukuthi bazoqala amalungiselelo awokuyaphatheka kumncintiswano we Africa Cup of Nations ozaqhutshelwa elizweni lase Cameroon ekuqaleni kwenyanga kaZibandlela.

KuLivetalk namuhla kuhlelo “The Connection” sikhangela inhlelo ezenziwa ngabasakhulayo ukuncedisa uzulu ukumelana lobhubhane olwe Covid 19 ikakhulu khathesi ngokuqhamuka komkhakha omutsha oweOmicron osukhweze inani laasebetholakala belegcikwane leli.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG