Sekulabantu abane ( 4 ) asebelahlekelwe yimiphefumulo njalo ngemva kokuhlaselwa ngumkhuhlane we COVID-19 e Zimbabwe phakathi kwamahola angamatshumi amabili lane - 24 edluleyo, ababili babo bebikwa bengabe Mashonaland East, oyedwa koBulawayo loyedwa e Manicaland kusitsho ukuba inani lasebetshonile selisedlula kancinyane amakhulu amathathu - 326 selokhu waqhamukayo lumkhuhlane elizweni.
Abenhlanganiso eyeWILD bemanyene leyeBVTA kanye lekhansili yakoBulawayo bavule okusemthethweni izambuzi ezizasetshenziswa ngabaphila ngokuthengisa emkambo oseCity Hall.
Ukuhamba kwezimota, amaroli lamabhasi sekume khwimilili emngceleni weBeitbridge osekubangele ukuthi izizalwane zeZimbabwe eziphindela ekhaya zihlale amalanga afika amahlanu zilokhu zizama ukuphuma kweleSouth Africa.
Ku Livetalk namhlanje kuhlelo “Diaspora Forum” sikhangela okudibana lezizalwane zeZimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.