Endabeni zethu lamhlanje ……………..
*********** Odokotela abakhalala umsebenzi sebephiwe incwadi zokubamisa umsebenzi ngabohlangothi olwe Health Services Board.
************* Uzulu wakoBulawayo uthi kungcono alungiselele ukuvulwa kwezikolo kulokuthenga okweKhisimusi bethi lokhu kubangelwa yikuqonga kwentengo kanye lokusilela kwempahla lokunye ukudla.
************* Izizalwane zeZimbabwe ezihlala kwele South Africa ezingenelisanga ukuya ekhaya ngaleli khefu lekhisimusi zifisela izihlobo labangane iKhisimusi elitshukela kusasa.
************* Amakhulu lamakhulu abeZimbabwe abasebenza ngaphandle kwelizwe ikakhulu kwele Botswana, bangene besebenzisa umngcele wePlumtree kuyonale iviki, ukuze bayekuba lezihlobo labangane ngekhefu leKhisimusi.
************* Iqembu le FC Platinum, ele Orlando Pirates kanye lele Mamelodi Sundowns yiwo athwele amathemba esigaba sangezansi yezwekazi lase Africa ngemva kokufinyelela esigabeni sezibaya kumncintiswano weCAF Champions League.
********** KuLiveTalk namhlanje sikhangela ukuthi abantu balungiselele njani ikhefu leKhisimusi elithakazalelwa kusasa. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.