Uzulu ukhuthazwa ukuba aqhubeke elandela iziqondiso ezabekwa ngabenhlanganiso ebona ngezempilakahle emhlabeni jikelele eyeWorld Health Organisation - WHO lohulumende, zokuzilondoloza kuCOVID-19 ngekhefu leKhisimusi hatshi ukuzifaka engozini efana leyokuphatheka kumibuthano lamadili.
Izizalwane zeZimbabwe sezithe zaveza imibono yazo ehlukile ngezikukhangelele ngomnyaka ozayo oka2022 ngemva kokubhekana lobunzima obudalwe yisimo somnotho esiqhubeka singamanga kuhle lokumelana leCovid-19 okukhahlameze wonke umuntu emhlabeni jikelele.
Uhlangothi olubona ngezamanzi olweZimbabwe National Water Authority Zinwa selufaka amaprepaid meters ematankeni aweGwanda okuzadala ukuthi ikhansili iqale ibhadalele amanzi kuZinwa phambilini kokuba atholwe yizakhamizi.
Abenhlanganiso yababona ngabantwana abaphila lesimo sokungahlaliseki, eye Autism Organization of Zimbabwe, bathi bakhangelele ukubona imisebenzi yabo ithuthuka ngendlela emangalisayo ngomnyaka omutsha kulandela ukunikezwa isipho sephulazi, nguhulumende, eRuwa.
Iqembu labesilisa elimela ilizwe emdlalweni wenguqu seliqalile ukuzilolonga lilungiselela ukuyaphatheka kumncintiswano owokudinga intshantshu zezwekazi lase Africa owe Africa Cup of Nations.
KuLivetalk namuhla sikhangela okwenziwa ngabantu lapho belungiselela ukwamukela umnyaka omutsha ngalesi sikhathi sokumelana leCovid 19 kanye lemibono yabantu ngemfa kaBishop Desmond Tutu.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.