Sebezinkulungwane ezedlula ezilitshumi lanye-13,007, asebehlolwe bafunyanwa beleCovid 19 lokhu leligcikwane laqala ukuhlasela eZimbabwe. Abasinde kulumkhuhlane, sebezinkulungwane ezedlula ezilitshumi-10,593.
Udaba olukhwezwe nguMayor we Harare, uJacob Mafume emthethwandaba weHigh Court ekhonona phezu kokuncitshwa kwakhe ithuba lokuhlawulela imali yesibambiso seBail alusahlulelwanga abatshutshisi besithi bafuna ukuke baluhluzisise njengoba bethole isikhathi sesidlulile anduba baze edale kungakho seluzothethwa ngu Justice Chikowero.
Umphathintambo wezabelo umnumzana July Moyo ubikwe esemise uMafume lomsekeli wakhe, u Councillor Luckson Mukunguma umsebenzi kusukela khona manje besetheswa umlandu wenkohlakalo.
Umnyaka ka 2020 ususedlula kungela okuhle okuphume kugatsha lwezemfundo kungenxa yomkhuhlane we COVID-19 okwenza izikolo zivalwe okwenyanga ezingaba yisikhombisa lalabo ababhala imihloliso bebhale bengaqedanga izifundo zabo. Ababalisi bakhalale umsebenzi okuphose kwaguqisa ezemfundo ngamadolo elizweni jikelele. Uhulumende yena kodwa ugxile ekuthini usefake iziqondiso ezeneleyo ukuze igcikwane leCOVID-19 lingamemetheki ezikolweni njalo lokuthi izikolo zizavulwa ngokuhlela kwakhe ngomnyaka ozayo.
Abaphila ngokukhubazeka kokungaboni eZimbabwe, bathi ngomumo womnotho okhona manje elizweni kubanzima ngamandla kubo ukuthola okungenza babe lenhlalakahle. Ingcwethi zezenhlalakahle zikhuthaza ukusabalaliswa kolwazi kwabakhubazekileyo lokuzivikela lokuphathiswa ngoncedo lokudla lokwelatshwa.
Ku Livetalk namhlanje sikhangela umhlangano omkhulu weCongress webandla leMDC-T, ukuqonga kwenani lababanjwa yiCovid 19 kanye lokudedelanwa kombuso waseMelika.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.