amalinks wokungena

Breaking News

Inhloko ZeNdaba Mpalakazi 28, 2021


Abenhlanganiso eqhuba imisebenzi yokucubungula ezombusazwe lenhlalakahle kazulu, eye Zimbabwe Democracy Institute - ZDI bathi asiyi kufezeka isifiso sikahulumende sokuhlaba ijekiseni eye Covid 19 Vaccine, abantu abangaba yisilinganiso sokungamashumi ayisithupha ekhulwini-60%, esifunekayo ukuze kuthiwe uzulu uvikelekile kubhubhane lolu, iHerd Immunity kusiyaphela inyanga kaMpalakazi. Lokhu bakuveze kugwalondaba lwabo lwangenyanga olulonda ezempilakahle elizweni ZDI olwe Monthly Monitoring Report on Access to Public Health.

Ngalesisikhathi somnyaka kubalokuphithizela esabelweni seZansi yemaNdebeleni lapho uzulu osuka endaweni ezitshiyeneyo zelizwe abuya khona ukuzogola amacimbi, izakhamizi zakulezondawo zifuna kufakwe imithetho ezavimbela abantu bokuza ukuzogola amacimbi.

Abafundi ababhala imihloliso ye O le A level bayavula ngoMvulo mhlaka 3 Zibandlela ukuze bayeqedisa ukubhala imihloliso yabo.

Ukuguquka komkhathi sokuludubo osoludala umonakalo omkhulu emazweni womhlaba. EleZimbabwe alisindanga kuloludubo olubangelwa yinguquko yomumo womkhathi, osekuvela ngokuvalelwa kwabantu amanzi, ukuthenga umumbu kwamanye amazwe, lenkuthazo yokulinywa kwezilimo zenhlamvu ezincinyane.

KuLivetalk namuhla kuhlelo “The Connection” sikhangela okwenziwa ngabasakhulayo lapho belungiselela ukwamukela umnyaka omutsha ngalesi sikhathi sokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG