Endabeni zethu lamhlanje ……………..
*********** Odokothela asebezingcwethi ababizwa ngokuthi ngama consultant doctors sebephe uhulumende insuku ezimbili ukuthi alungisise ingxabano yakhe labodokothela abasanda kugqiba izifundo ama junior doctors abasekukhalaleni umsebenzi okwenyanga yonke, besithi balakho ukumanyana labo ngoba umsebenzi usubandela.
************* Abenhlanganiso yezisebenzi elizweni jikelele eye Zimbabwe Congress of Trade Unions baxwayisa uhulumende ukuthi lonyaka amalunga abo azatshengisela ukukhonona kwawo ngesimo esikhona elizweni.
************* Okuswelakala kwemali kulezinsuku sokusenza osiphatheleni bakhombe ngophakathi betshintsha imali yaphandle kwelizwe egoqela idollar leMelika leRand betshintshela kumaBond Notes.
************* Kwezamasiko lokuzithokozisa kuWoza Friday sivala umnyaka ka 2018 silabaculi ababili uFisani Moyo, ocula iAfro Pop kanye lo Easter Sibanda, ocula uMaskandi. Bobabili bathi u2018 ubungumnyaka wokulola amathalenta kanti ngo 2019 bazabe sebesidla izithelo zezithukuthuku zabo.
********** KuLiveTalk namhlanje sikhangela okwenzakala kwezempilakahle ngesikhathi odokothela beqhubekela phambili bekhalala umsebenzi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
