amalinks wokungena

Breaking News

Inhloko ZeNdaba Mpalakazi 29, 2020


I Covid 19, ibulele abantu abahlanu-5 izolo, eZimbabwe osokukhuphule inani lasebebulewe yiyo kwabangamakhulu edlula amathathu lengxenye-354. Sebezinkulungwane ezedlula ezilitshumi lantathu-13,148, asebehlolwe bafunyanwa belegcikwane leli lokhu laqala ukuhlasela elizweni.

Abasakhulayo baseZimbabwe bathi lumnyaka ka2020 ubenzima kakhulu, ngoba inengi labo bebhekane lenhlupho ezithile ezibangelwe yikuqhamuka kweCOVID-19, kwaphazamisa inhlelo zabo zokuzithuthukisa empilweni ikakhulu kwezemfundo.

UMahluli u Justice Benjamin Chikowero ubeke aceleni isinqumo ku sicelo sika Mayor we Harare umnumzana Jacob Mafume sokuthi aphiwe ithuba lokuhlawulela isibambiso seBail esithi ufuna isikhathi so kuthi ahluzisise loludaba.

Uzulu usekhuthazwe ukuba aqaphele lapho esemigwaqweni ukuze kwenqatshelwe ukufa kwabantu engozini zemigwaqo, lokhu kuza ngesikhathi imbiko iveza ukuba bafika phose amatshumi amane abafele engozini zemigwaqo kusukela ngelanga lekhisimusi.

Umnyaka ka2020 ubungumnyaka onzima kakhulu kuye wonke umuntu eZimbabwe. Laloba uHulumende ezamile ukuvala esithi umumo womnotho uhamba kuhle, okukhona emphakathini kwehlukene ngoba abantu besehluleka khona ukuthola ukudla kokuphutsha ilanga. Igcikwane leCovid lalo likhwaze ngolaka ikakhulu emhlubulweni weMandebeleni kunyanga ezimbalwa ezedluleyo.

Ku Livetalk namhlanje kuhlelo lwabatsha olwe “The Connection” sikhangela ukuphazanyiswa kwempilo yabasakhulayo eZimbabwe ngokuqhamuka kweCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG