Endabeni zethu lamhlanje……………
*** Abantu abanengi ezigabeni zeMatabeleland bathi sebelahlekelwe lithemba lokuthi bazafa bathola inkokheli elohlonzi kwezombusazwe edabuka kulesisigaba selizwe ngoba ekhona okwamanje ingabaniki idlabuzane.
*** Izakhamizi zako Bulawayo zipha imibono yazo ngomnyaka ka2019.
*** Ukutshisa kwelanga okudlulise amalawulo, kubikwa kulakho ukubangela imikhuhlane ehlukeneyo efana lokusilela kwamanzi emzimbeni, imikhuhlane yejwabu enjenge mvukuzane, ukuqaleka okubizwa ngokuthi yiheat stroke leminye eminengi nengi.
*** Kwezemidlalo namhla intathelizindaba yethu uJoseph Njanji usethulela indaba ebezisegudwini ngomnyaka ka 2019 kunhlangothi ezehlukeneyo ezigoqela inguqu, ibhola lokugaqa, imicintiswano yezwekazi leAfrica leminye.
*** KuLiveTalk namhlanje, sipha lina abalaleli bakaStudio 7 ithuba lokutsho elikukhangelele ngomnyaka ka2020 esiwusungula ngoLwesithathu. Nxa lifuna ukungena kuhlelo thumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.