Sebefika inkulungwane ezedlula ezilitshumi lantathu- 13 325, asebehlolwe bafunyanwa beleCovid 19 eZimbabwe. Abasinde kulumkhuhlane, sebezinkulungwane ezedlula ezilitshumi-11,067, wabulala abangamakhulu edlula amathathu lengxenye-359.
Osanda kukhethwa ukuba ngumkhokheli weMDC-T umnumzana Douglas Mwonzora lamuhla ubethe amagama enkokheli entsha ezabe isabambe intambo egoqela uNkosazana Thokozani Khupe, uEngineer Elias Mudzuri, umnumzana Morgen Komichi labanye. Lokhu kwenzakala ngesikhathi amagqwetha esithi akusela kubuyela emuva kulokho okuphume kukhetho lwangempelaviki ngaphandle kokuba kugenqulwe ngumthethwandaba.
Ukuvulwa kwezikolo obekukhangelelwe mhlaka 4 Zibandlela sekumisiwe ngenxa yokukhwela kwamanani abantu sebetholakale belomkhuhlane weCOVID-19. Kodwa abantwana ababhala imihloliso bazaqhubeka bebhala ngamalanga ahleliweyo.
AbeZimbabwe kweleBotswana bathi umnyaka ka 2020 ube ulukhuni ngenxa yemphicabadala eyi COVID-19, njalo abakhangelelanga utshintsho olunengi ngesikhathi kulungiselelwa ukungena kumnyaka omutsha oka 2021.
Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.