amalinks wokungena

Breaking News

Inhloko ZeNdaba Mpalakazi 4, 2020


Kufe abantu abathathu bebulawa yiCovid 19, eZimbabwe, ngokutshona kwelanga layizolo. Ababili babo bebengabako Bulawayo oyedwa engoweManicaland. Lokhu kukhuphule inani lasebebulwe yileligcikwane laya kwabangamakhulu phose amathathu-280.

Izizalwane zeZimbabwe sezemukele ngokukhathazeka isixwayiso esethulwe ngumongameli Cyril Ramaphosa izolo esithi abantu abadonse amasokisi ekwenqabeleni ukumemetheka komkhuhlane we cornona virus nxa bengafuni ukwethulelwa imigoqo enzima yokuphila.

Intathelizindaba zikhuthazwa ukubhala ngendlela ejonga ukutshintsha imithetho kanye lokwehlisa ukuyangeka ebantsini abahlangana lokuhlukuluzwa kwabantu ngobullili. Lokhu kuphume emhlanganweni ojonge ukufundisa lokulimukisa intathelizindaba ngokuqakatheka kokubhala ngendlela engakhahlamezi abahlukumezekileyo.

EleBotswana lithi lima ngesinqumo salo sokuvula imngcele lanxa umkhuhlane we COVID-19 ukhanya umemetheka ngamandla phakathi, laphandle kwelizwe. Leli lizwe lithi lithethe wonke amanyathela ukubona ukuthi izeluleko zonke ezokwenqabela ukumemetheka komkhuhlane lo, ziyalandelwa emngceleni yonke evulwe ngoLwesibili.

KuWoza Friday liviki, silendlovukazi kwezomculo wengoma zomdumo wokholo, uQuincy Gqoka Moyo, yena osebenza ekoBulawayo.

Umqeqetshi weqembu le FC Platinum uNorman Mapeza uthi abadlali bakhe kumele bakhuphule izinga lokudlala lapho abazadibana khona leqembu lase Mozambique ele Costa Dol Sol, kuhlandla lesibili lomdlalo we preliminary round eyomncintiswano we CAF Champions League ozaqhutshelwa enkundleni ye National Sports ngoMgqibelo.

Ku Livetalk namhlanje sikhangela ukuqonga kwenani labatholakala beleCovid 19, kanye lokwenzakala eMelika ngemva kokhetho lokudinga umongameli.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG