amalinks wokungena

Breaking News

Inhloko ZeNdaba Mpandula 01, 2020


E-Zimbabwe, abantu asebetholakale beleCovid 19, sebefika inkulungwane ezedlula eziyisithupha-6,497. Leli gcikwane selitbulele abantu abedlula amakhulu amabili-202, kwasinda abazinkulungwane ezedlula ezinhlanu-5,221.

Uzulu koBulawayo uthi isinqumo sikaHulumende esokubisela umhlaba kubalimi abamhlophe siveza ukuba uhulumende usephelelwe ngemacebo okuvuselela umnotho welizwe. Kodwa njalo inengi likhathazekile ngokuthi abantu abaphiwa indawo zokuhlala emaplazini lawo bazasiwa ngaphi.

Ibandla elibusayo kweleSouth Africa eleAfrican National Congress lithi lizathumela iqula eZimbabwe ukuyakhulumisana lebandla leZanu PF, amabandla aphikisayo lezinye inhlangothi zonke zempilo, ukuze kutholakale isisombululo kunkinga zezombusazwe lezomnotho ezibhekane leZimbabwe.

Abasakhulayo beZimbabwe abalwela ilungelo likazulu lokhu lila ngemva kokulahlekelwa ngomunye wabo, ngokubhubha kukaDr Patson Dzamara, ngeviki edluleyo, eleminyaka engamatshumi amathathu lane-34.

Ku Livetalk namhlanje kuhlelo lwabatsha olwe “The Connection” siqhubekela phambili sikhangela umonakalo osudalwe yikuqhamuka kweCovid 19 kanye lokwephulwa kwelungelo loluntu eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG