amalinks wokungena

Breaking News

Inhloko ZeNdaba Mpandula 03, 2021


Ibandla leMDC Alliance lisola ingxabangxoza elithi ikunkampani yamabhasi eyeZUPCO njalo lixwayisa uhulumende ukuthi alungise loluhlupho ukwenzela ukuthi abantu bethole lula imota zokuhambisa.

Abogatsha lwezempilakahle babika ukuba sebeyizigidi ezedlula ezimbili lengxenye– 2,649,805, asebehlatshwe ijekiseni yakuqala eyeCovid 19 Vaccine, lokhe lwaqalay lolu hlelo eZimbabwe. Sebesedlula isigidi esisodwa lengxenye - 1,673,309, abahlatshwe ijekiseni lesibili. Ngokutshona kwelanga layizolo kubikwa kulabantu abalikhulu lamatshumi amahlanu lathobaminwemibili-158, abahlolwe batholakala beleCovid 19, leli gcikwane labulala abalitshumi lanye-11.

Owayengumantshi koBulawayo njalo elilunga lebandla leZapu, uMnu. Johnson Mnkandla, kasekho.

KuWoza Friday namuhla silomculi werhumba uHonest Kamanga odume ngegama lokuthi Madalaboy ephethe idlalade lakhe elitsha alethule ebambisane loAllen Ndoda. UMadalaboy ucula ekweleSouth Africa njalo idlalade lakhe leli lilesihloko esithi ‘Impi Yamatshe.’

Ku Livetalk namhlanje sikhangela isimo sokumelana leCovid 19 eZimbabwe kanye lokuqhubeka kohlelo lokuhlatshwa kwabantu ijekiseni yokumelana leleli gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG