amalinks wokungena

Breaking News

Inhloko ZeNdaba Mpandula 06, 2021


Abogatsha lwezempilakahle babika ukuba kulabantu abalitshumi lasithupha-16, abakhulelwe yiCovid 19 izolo, abalikhulu lamatshumi amabili lanhlanu babanjwa bele gcikwane leli. Kunje sebeyizigidi phose ezintathu– 2,713,458, asebehlatshwe ijekiseni yakuqala eyeCovid 19 Vaccine, lokhe lwaqalayo lolu hlelo eZimbabwe. Sebephose bafike izigidi ezimbili - 1,717,430, asebehlatshwe ijekiseni lesibili.

Izikolo zivuliwe lamhlanje ngemva kokuvala isikhathi eside ngenxa yobhubhane lweCovid-19, abazali bekhuthazwa ukuba balungiselele abantwana ngokubathengela amamask lamasanitizer ukuze bahlale bevikelekile sikhathi sonke kuCovid-19.

Sekuyiminyaka emibili lokhe owayengu mongameli weZimbabwe, uMnu Robert Mugabe watshonayo. Inengi lithi kunengi okwenziwa ngu Mugabe okunga fundwa nguzulu.

Owayengumongameli wakweleSouth Africa umnumzana Jacob Zuma usevunyelwe ukuyaqedisa isigwebo sakhe esekhaya ngenxa yokugula.

Ukaputeni weqembu labesilisa elimela ilizwe emdlalweni wenguqu uKnowledge Musona uthi iqembu leli khona lizatshaya eziwayo loba nje lingaqalanga kuhle umkhankaso walo owokuyadlala kumidlalo eyokudinga intshantshu yezizwe zomhlaba.

Ku Livetalk namhlanje sikhangela isimo sokumelana leCovid 19 eZimbabwe kanye lokuqhubeka kohlelo lokuhlatshwa kwabantu ijekiseni yokumelana leleli gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG