amalinks wokungena

Breaking News

Inhloko ZeNdaba Mpandula 07, 2021


Umongameli Emmerson Mnangagwa, namhlanje uyekethise iziqondiso zeCovid 19 Lockdown, zisuka kusibanga seLevel 4 zisiya kuLevel 2.

Abogatsha lwezempilakahle babika ukuba kulabantu abalitshumi lanye-11, abakhulelwe yiCovid 19 izolo, abalikhulu lamatshumi amabili lanye(121) babanjwa bele gcikwane leli. Kunje sebeyizigidi phose ezintathu– 2,713,955, asebehlatshwe ijekiseni yakuqala eyeCovid 19 Vaccine, lokhe lwaqalayo lolu hlelo eZimbabwe. Sebephose bafike izigidi ezimbili - 1,728,797, asebehlatshwe ijekiseni lesibili.

Abenhlanganiso yomanyano wamazwe womhlaba kuhlangothi olubona ngezemfundo lenhlelo zabantwana, eyeUNICEF bamanyene labogatsha lukahulumende lwezemfundo yePrimary leSecondary, besethekekelela isikolo seWestlea Primary School, eHarare namhlanje, ngenhloso yokuyazibonela ngawabo amehlo isimo esisezikolo ngokuphathelane lokumelana leCovid-19.

Omunye wabalwa impi yenkululeko ekuviyo lebutho eleZPRA obelilunga leZAPU, umnumzana Johnson Mthenjwa Mnkandla, obhubhe ngoLwesine lweviki edluleyo, ubekwe namhlanje emathuneni aweLady Stanley Cemetry, koBulawayo.

Lamhlanje kweziphathelane lomnotho welizwe: Ibandla leZANU PF lithi uhulumende kaMongameli Emmerson Mnangagwa uqhuba inhlelo zentuthuko ezinengi eMatabeleland. Kambe ziyabonakala lezinhlelo? Sixoxa lamabandla ezombusazwe, osomabhizimusi, lengcwethi ezicubungula ezomnotho ngaloludaba.

Ku Livetalk namhlanje kuhlelo lwabatsha olwe “The Connection” sikhangela isimo sokumelana leCovid 19 eZimbabwe kanye lokuyekethiswa kweziqondiso zokuvimba ukumemetheka kwaleli gcikwane okwaziswe nguMongameli Emmerson Mnangagwa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG