amalinks wokungena

Breaking News

Inhloko ZeNdaba Mpandula 08, 2021


Abogatsha lwezempilakahle babika ukuba kulabantu abalitshumi-10, ababulewe yiCovid 19 izolo, kuthi abalikhulu lamatshumi amabili lanhlanu(125) babanjwa bele gcikwane leli. Kunje sebeyizigidi phose ezintathu– 2,750,681, asebehlatshwe ijekiseni yakuqala eyeCovid 19 Vaccine, lokhe lwaqalayo lolu hlelo eZimbabwe. Sebephose bafike izigidi ezimbili - 1,742,641, asebehlatshwe ijekiseni lesibili.

Ibandla leMDC Alliance lithi inengi liyehluleka ukubhalisa ukuthi livote ngenxa yokuswela izithupha emahofisini kahulumende kumbe incwadi zokuzalwa njalo selazise inhlanganiso yeZEC ngaloludaba.

Abantu abanengi eZimbabwe bathi kumele inkokheli yomdabu yehlukane lezombusazwe ukwenzela ukuthi abantu bavote bengabanjwa ngamandla, ikakhulu emaphandleni.

Kungaba lokukhala lokugedla kwamazinyo kweleBotswana kulokwesabela ukuthi kuzalahleka imsebenzi eminengi, lapho ilizwe leli liphuma kuhlelo lweState of Emergency ekupheleni kwenyanga.

Uzulelwa lukozi umqeqetshi weqembu labesilisa elimela ilizwe le Zimbabwe emdlalweni wenguqu uZdravko Logarusic.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG