Abantu abazinkulungwane ezedlula ezingamatshumi amathathu– 30,132 abahlatshwe ijekiseni lakuqala eleCovid 19 Vaccine, ngokutshona kwelanga layizolo bakhweza inani lasebehlatshiwe leli jekiseni okwakuqala laya kwabedlula izigidi ezimbili lengxenye– 2,582,705. Kuthi abazinkulungwane eziphezu kwezilitshumi lasikhombisa- 17,035, abahlatshwe ijekiseni lesibili bengeze leli inani lisiya kwabaphezu kwesigidi lengxenye-1,636,498.
Sebephilela evalweni abeZimbabwe abahlala kweleSouth Africa ngemva kokuqhamuka kweciwane lecovid-19 elitsha uC.1.2 okubikwa elamandla okumemetheka ngesiqhubu.
EleBotswana selivule izikolo ngemva kokuhlaba inengi lababalisi ijekiseni yeCovid-19 Vaccine.
Abezemidlalo sebeyamukele ngentokozo enkulu isinqumo esithethwe nguhulumende ukuba ezemidlalo sezingadlalwa futhi elizweni.
Ku Livetalk namhlanje kuhlelo “Diaspora Forum” sikhangela okwenziwa yizizalwane ze Zimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.