amalinks wokungena

Breaking News

Inhloko ZeNdaba Mpandula 10, 2021


Abogatsha lwezempilakahle babika ukuba kulabantu abane-04, ababulewe yiCovid 19 izolo, kuthi abalikhulu lamatshumi amabili lanhlanu(125) babanjwa bele gcikwane leli. Kunje sebeyizigidi phose ezintathu– 2,805,224, asebehlatshwe ijekiseni yakuqala eyeCovid 19 Vaccine, lokhe lwaqalayo lolu hlelo eZimbabwe. Sebephose bafike izigidi ezimbili - 1,796,174, asebehlatshwe ijekiseni lesibili.

Ibandla leMDC Alliance lithi inengi labantu elizweni liyehluleka ukubhalisa ukuthi livote ngenxa yokuswela izithupha emahofisini kahulumende kumbe incwadi zokuzalwa njalo selazise inhlanganiso yeZEC ngaloludaba.

Inhlanganiso elwela amalungelo abathengisa ezitaladini eyeVISET ithi impumela yokudingisisa kwayo iveza ukuthi abesifazana yibo abaphazamiseke kakhulu kulumsebenzi ngenxa yomkhuhlane weCOVID 19.

UMongameli Joseph Biden ukhangelelwe ukuthi kusasa uzakwethula umbiko wesikhumbuzo sokubhidlizwa kwezakhiwo zeMelika ngamalwecatsha eAl-Qaeda ngomnyaka ka2001, okubizwa kuthiwa yiSeptember 9/11 ngeSilungu. Sekuleminyaka engamatshumi amabili kwenzakala isehlakalo lesi okwabhubha abantu abazinkulungwane ezintathu – 3,000.

Kuhlelo Woza Friday kuliviki silejaha elisakhulayo elipheka lihlanganise imculo etshiyenenyo yeHouse, Hip Hop le Afro-Beats uNkosana Prince Lunga odume ngegama lokuthi Dj Esikhosini Prince.

Ku Livetalk namhlanje sikhangela isimo sokumelana leCovid 19 kanye lokuqhubeka kohlelo lokuhlatshwa kwabantu ijekiseni yokuzivikela kulei gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG